تبي اسولف وش اللي جراللي

ياصاحـبـي طـالـبـك خـلّـنـي بـحـالــي
ما أبي "أضيّق خاطرك" وأنت مرتـاح

ياصاحبـي وإن غبـت عنـك " ليالـي "
غــــلاك بــاقــي بـالـحـنـايــا ولا راح

تبي أسولف لك ، وش اللي جرالي ؟؟
أخــاف يمـسـح قولـنـا الصـبـح لا لاح

أجـــل تـعــال أجـلــس هـنـيّـا قـبـالـي
دام الحطب طـاح وكثيـر العتـب طـاح

لـو كـل شخـص إلـيـا عطيـتـه وفـالـي
مـاكـان بـالدنـيـا حــزن لـيـل وجــراح

ولـو كـل غالـي قـدّر إحسـاس غـالـي
ماشفت ذاك الدمـع مـن محجـره سـاح

ولو كل قلب مـن الحسـد جـاك خالـي
مايشتكـي مــن شــحّ الأمـطـار فــلاّح

ولـو كـل واحـد جــاك طبـعـه مثـالـي
ماكـان بـالدنيـا سجـن نـاس وإصــلاح

ولـولا الذنـوب اللـي بـكـبـر الجبـالـي
ماكـان جيـش الكـفـر لـبـلادنـا إجـتـاح

ولـو الـردي يعـرف شـمعـنـى عيـالـي
مـاقـطّ أبـــوه بـدار الآلآم يـــا صـــاح

هــذا بـعـض حــزن السنـيـن التـوالـي
طير الحزن مبطـي علـى خافقـي نـاح

مــا أقــول أن الخـيـر مـالـه مـجـالـي
لآ والـذي يفلـق مــن اللـيـل الإصـبـاح

لـكـن هـنــا بـعــض الألـــم يـاحـلالـي
وأنا أدري أن العود يـوم أحتـرق فـاح

أول أقــول إنـــي صـبــور وجنوبـــــــي
والـيـوم لآ والله أنفـجـر ســدّي وبــاح

ماقـلـت لــك يـاذيـب خلّـنـي بـحـالــي
هذا أنت ضقت وأذكرك جيـت مرتـاح

شعرك مرررررررره حلوو

تحياتي