الدييييييييييره

يا ماخذ الدنيا وساعة صدر ومزاح وضحك
علمني كيف اتخلص من الضيق واضحك وأبتسم
لا صرت ما تلقى صديق يحتويك و ينصحك
في وقت ما تاخذ به من الأصدقا غير الإسم
تخيل إنك في مكاني.. وأنت كل يجرحك
والهم (كسرة خبز)..ما بينك وبينك تنقسم؟
والناس حولك تذبحك.. من زود ماهي تذبحك
ما باقي الا يوسمون الطعن في ظهرك..وسم
وإن جيت تشكي قالوا اسكت بس ..والله يصلحك
الجرح جرحك .. والبلا بلواك والأمر انحسم؟
والصبر لو ما كل جنب في منامك ريحّك
البال ماهي راحته من راحة أعضاء الجسم !!
ولا انت يومك رحت تشكي وش معاك ومربحك
من واحد..بالعجز..وانواع التخاذل..يتّسم
يقسم لك إنه لو درى في ضيقتك .. ما يجرحك
والمشكله ..يمشي ويفضح فيك ..ويضيع القسم
تفرض عليه المصلحه لو ما يذمك .. يمدحك
يعني كأنه لوحة حسب المصالح ترتسم
وتضيع ما تدري من اللي لا نخيته ..يمنحك
الوقت .. صكاته كثير وطبع صكاته دسم
والقهر لا من جيت تفرح .. ما تلاقي مطرحك
في عالمٍ من ضيق صدر اهله .. تدور للنسم
فأن ضاق صدرك وسّعه ياشيخ وا قلبها ضحك
معك الحياه بتبتسم ..بس إنت الأول ..ابتسم

الله يعافيك