ياااااااااااا بوي سلم

يابوي سلام(ن) مني وقلب(ن) يحييك
وحبك داخل الروح ساكن(ن) فيهـا
يابوي لاسليت عنك لا تقول ناسيـك
لو أحسب جمايلك علي ما أحصيهـا
يابوي من اللي في الخلايق يساويك
لجلـك الدنيـا يـابـوي أخليـهـا
يابوي هذي حياتـي بيـن أياديـك
وروحي لـك ليـن تـروح لباريهـا
يابـوي وش اللـي بـس يرضيـك
هـذي حياتـي ودنيتـي ومافيهـا
آمـر علـي والله بعمـري أفـديـك
حتى عيوني ... لك عيوني أفديهـا
ياما غلطت وما كان قصدي أعصيك
ودايم زلتي عـن النـاس تخفيهـا
وياما سهرت طول الليالـي أناجيـك
وبطيفـك يابـوي نفسـي أسليهـا
يعلـم الله مهمـا كنـت أعطـيـك
جمايلـك علـي والله مـا أوفيـهـا
"ابو سعود" ليا قالـوا وش نناديـك
كلمة(ن) بين الرجال أفتخـر فيهـا
"عبدالعزيز" ليا قالـوا وش نسميـك
أسمي اللي ابوي روحـي مسميهـا
يابوي عسـاك للجنـة و أخاويـك
مثل الكرامة فـي الدنيـا أخاويهـا
يابوي جيتك وأنا طالبـك وراجيـك
فيني جروح ومـا غيـرك يداويهـا
و أوعدك ما أخيّب ظنـك وهقاويـك
و إني قد كلمتـي وأقـدر أسويهـا
يالغالـي لا تخيـب ظـن مغلـيـك
وتتركني في هالدنيـا مـع بلاويهـا
هـذي أبيـات منـي قلتهـا فيـك
لـو تبينـي أغنيهـا لـك أغنيهـا

وين الردود

الله يعافيك